للتجار · PlayHub EG
بيع ألعابك قدام عملاء بيدوّروا عليها
اعرض أسعارك في مكان واحد، والعميل يكلّمك على واتساب مباشرة. الاتفاق والفلوس بينك وبينه — إحنا بس بنعرض ونوثّق ونحفظ سجل الضمان.
2,849
لعبة جاهزة تسعّرها
1,966
فئة كارت شحن
58
منطقة PSN
ليه تبيع علينا
✓
بيعك كله ليك
مافيش عمولة على الصفقة. الفلوس بتوصلك مباشرة من العميل.
✓
مافيش ترتيب مدفوع
ترتيبك بين التجار بالسعر والتقييم بس — مش بفلوس. التاجر الشاطر بيطلع فوق.
✓
سمعتك بتتبني وتفضل معاك
كل صفقة مؤكدة وكل تقييم بيزوّدوا ثقة عملائك فيك — سجل بيكبر مع الوقت.
هتاخد إيه بالظبط
كله مجاني — مافيش اشتراك ومافيش عمولة
صفحة لمحلك بلينك واحد
كل أسعارك وضمانك ومواعيدك وتقييماتك في لينك تبعته لأي عميل بدل ما تكتب الأسعار كل مرة.
تسعير في ثواني
اكتب حرفين من اسم اللعبة، اختار، حط الأسعار، Enter. أقل من ١٠ ثواني للمنتج.
Primary PS4 و PS5 منفصلين
الأكونت بيتفعّل على الجهازين كل واحد لوحده — يعني بتبيع خانتين لعميلين مختلفين، وكل واحدة بسعرها. وكمان Secondary و Full.
كروت شحن بالجملة
٣١ منطقة PSN. تكتب سعر الدولار مرة واحدة وكل الفئات بتتحسب لوحدها — وتعدّل أي فئة بعدها.
اشتراكات PS Plus
التيرات الأربعة بكل المدد، تسعّر التير كله في جدول واحد.
اسطوانات
مستعملة وجديدة، بحالتها ومحافظتها وصورتها وطريقة التسليم.
شروطك بخطك انت
سياسة الضمان والاستبدال بتظهر جنب سعرك — العميل بيقراها قبل ما يدفع، فمافيش خلاف بعدين.
تعديل جماعي
عايز تزوّد كل أسعارك ٥٪ بعد تغيير الدولار؟ ضغطة واحدة على اللي انت مختاره.
وقف أي منتج من غير ما تمسح سعره
خلص عندك؟ اقفله مؤقتًا وسعرك محفوظ لما يرجع.
تقييمات من بيع حقيقي بس
مافيش تقييم من غير عملية مسجّلة. اللي بيشتغل صح بيبان، ومحدش يقدر يشتري سمعة.
شهادة ضمان لكل بيعة
العميل بياخد شهادة بكود يحتفظ بيها — بتقلّل الخلاف وبتخليك مختلف عن اللي بيبيع في الجروبات.
ترتيبك بالسعر والتقييم
مافيش ترتيب مدفوع. اللي سعره كويس وسمعته كويسة بيطلع فوق — مش اللي بيدفع أكتر.
لعبة مش لاقيها؟ اطلبها
من نفس شاشة الأسعار، وإحنا نضيفها للكتالوج.
العميل بيكلّمك واتساب مباشرة
مابنمسكش فلوس ومابندخلش بينك وبين عميلك. الاتفاق والدفع بينكم.
هتبعتها لتاجر على واتساب؟ انسخ نفس الكلام ده جاهز.
تبدأ إزاي — 3 خطوات
1
افتح متجرك
اسم المتجر ورقم واتساب — بيتفعّل بعد مراجعة سريعة مننا.
2
حط أسعارك
اختار اللعبة، اكتب سعر Primary وSecondary وFull، وحدّد ضمانك. دقايق.
3
استقبل العملاء
العميل يكلّمك على واتساب، تتفقوا، وتسجّل الصفقة عندك عشان الضمان يتوثّق.